تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ :                 
                                   كعب الغزال باللوز هشيش 

مقادير عجين كعب الغزال:

      2زلايف كبار من الدقيق

  2معالق كبار سنيدة انا درت السكر صقيل

  8 معالق كبار من ماء الزهر

  كاس صغير و ربع من الزبدة تكون مذوبة و مصفية

  شوية الملح

 راس معلقة صغيرة من المسكة الحرة  

 قليل من الماء البارد

مقادير العقدة:

  1كلغ من اللوز المسلوق منقي

  زلافة و نصف سكر سنيدة

  كاس صغير من الزبدة مذوبة و مصفية

  نصف كيس صغير من المسكة الحرة مدقوقة

  8معالق كبار من ماء الزهر

طريقة تحضير كعب الغزال:

 نبداو بالعقدة نطحن اللوزمع السكر سنيدة في المطحنة حتى يولي لين و نخلطه مع المسكة الحرة و الزبدة و ماء الزهر حتى نحصل على عقدة اللوز ندلكوها باش نشكلو منها صبيعات

  دابا العجينة كنخلطو الدقيق مع الملح و السكر و المسكة الحرة انا درتها معاهم و نضيفو الزبدة نفركوهم بين ايدينا شوية عاد نضيفو ماء الزهر و القليل من الماء حتى تجمع العجينة و ندلكوها مزيان حتى تولي لينة و نقسموها كويرات و نخليها ترتاح في شي كيس بلاستيكي

نسرحو العجينة حتى تولي رقيقة بزاف ونوضعو العقدة ونلوي العجينة ونشلكو الكعب ونقطعو بالجرارة ونقادو الكعب بدينا منين نقادو الكعيبات ديالنا كنتقبوهم بالابرة و ندهنهم بالزبدة و خليهم ليلة كاملة في الصباح نعود نتكهم و ندخلهم يطيبو 5 دقايق و نخرجهم ندهنهم ببياض البيض و نرجعهم حتى يتذهب اللون ديالهم ونقدمو كعب الغزال بالصحة والراحة