تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ :                 
ميني كيك

المقادير

– أربع (4) بيضات

– كأس ياغورت (نكهة الفاني )

-كأس صغير سكر

– 2 كؤوس صغار دقيق الحلويات

– 2 خمارات

– 1 فاني

– نصف كأس صغير زيت

– 2 معالق كبار عامربن من بودرة الكاكاو.

الحشوة :

– ربع لتر حليب

– معلقة كبيرة من غبرة كريم الحلواني ( باتيسيير)

– قشرة حامضة محكوكة

-2 معالق كبار سكر

– شوي من الفواكه الجافة أو المصبرة

الطريقة :

*- أولا الكيك

طربي البيض مع السكر و الفاني حتى يرغوي . زيدي عليهم الياغورت و الزيت وطربي من جديد . في الأخير , أضيفي الدقيق مخلط مع الخميرة و الكاكاو و خلطي الكل بشوي بملعقة خشبية.ذهني المولات الصغار بالزبدة و دردري عليهم الدقيق عمريهم  إلى الثلثين بالخليط و طيبيهم في فرن معتدل ( 180 °) وخليهم جانبا

*- ثانيا : الحشوة

خلطي الحليب مع السكر و غبرة لاكريم ثم طيبيهم على نار مهيلة مع التحريك حتى يقصح الخليط ثم أضيفي قشور الحامض.قلبي الكيكات و عمري الثقب بلاكريم وزينيهم بالفواكه الجافة مهرمشة أو المصبرة مقطعة صغيرة أو بالشوكلاط شعرية وبالصحة والراحة.