تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ:                 
شنيك مالح بالكفتة والفطر
مقادير وطريقة تحضير شنيك مالح بالكفتة والفطر :
        في مقلاة على النار نضع البصلة المشلضة مع شوية الزيت البلدية وشوية الملح والبزار ونحك شوية الزعتر ونخلي الكل يتشحر حتى تدبال عاد نضيف الكفتة ونخليها تتشحر عاد نضيف شوييييييية الخرقوم البلدي وشوية التحميرة وشوية السكينجبير نحرك الكل ونخليها غير شي 2 دقايق حتى تنساجم العطرية ونزولها (يمكن تعويض الكفتة بقطع الدجاج صغيييرة دون اضافة باقي العطرية نكتافي غير بالملح والبزار والزعتر)
في نفس المقلاة نضع قطع الفطر مع شوية البزار والملح والزعتر محكوك ونخليه يتشحر
في هده الاثناء نكونو وجدنا عجين الكرواصون كل واحد يختار طريقتو (ماتكونش حلوة بزااااف) وطلقناها وقسمناها على 2 واحد ندهنوه بالموطارد والثاني ندهنوه بالكيتشوب و نسرح فوقهم الحشوة بالتساوي ونضيف الفطر تم الزيتون أسود مقطع ثم شوية الفرماج محكوك ونلويوهم مزيان ثم نقطعوهم بالخيط باش يجيو مقادين في الشكل وماتخرجش لينا الحشوة ونستفوهم في لاطة الفرن ونخليهم حتى يخمرو عاد ندهنوهم بالبيض مخلط مع شوية الحليب وملي طيب ونطفي الفران نرش عليهم شوية الفرماج وهذا شكل شنيك مالح بالكفتة والفطربالنسبة لي بالكتشوب زينتهم بوريقات الربيع واللي بالموطارد زينتهم بالزيتون باش يبان الفرق وبالف هناء.