حلوة التمر بشكل جديد
تواصل “تيزنيت 24″ عرض إنتاجات نسائية في مجال الطبخ، من إنتاج نساء ورشة الأمل للمرأة الصانعة التابعة لجمعية تحدي الإعاقة بتيزنيت، وفيما يلي مقادير خاصة بـ :حلوة النمر شكل جديد
***/////حلوة النمر شكل جديد/////***
عجينة حلوة النمر
600 غ طحين
قرصة ملح
معلقة كبيرة سكر
150غ زبدة دايبة
بيضة واحدة
ماء زهر لجمع العجينة
الملونات الأصفر والبرتقالي والبني
حشوة حلوة النمر
500غ كاوكاو محمر ومطحون و250غ سنيدة مطحونين 2 مرات يخلط مع 2 معالق كبار زبدة وشوية ماء زهر ورشة قرفة
طريقة تحضير حلوة النمر
ناخدو الطحين نزيدو عليه الزبدة دايبة ونرملوه عاد نزيدو شي قبيصة دالملح بيضة والسكر والماء زهر كنجمعو العجينة ونديروها في الثلاجة ترتاح 20 دقيقة .
خاص نزيدو الملونات عاد ندخلوها للثلاجة ترتاح ونقسمو العجين على ثلاثة واحد بالاصفر يكون كبير والخرين متساويين كنسرحو العجينة الصفراء ونحربلو البرتقالية اما السوداء كنسرحوها على شكل طولي ورقيييق كنديرو العجينة البرتقالية وسط السوداء ونحربلوها ونقطعوها قطع صغيرة جدانستفوها فوق العجينة الصفراء نديرو فوقها بلاستيك غذائي وندلكوها بالمدلك نقلبوها للجهة الاخرى بحيث يكون البلاستيك الغذائي لتحت ونحشيو الحلوة بحشوة كوكاو كنقطعو العجينة على شكل دوائر نديرو الحشوة ونلفوها مزيان وندخلوهاطيب مايتبدلش لونها ندهنوها بالناباج ونديروها في كويغطات
