قصيدة عن حلوى البرلمان من إبداع الشاعر نبيل اكران
زجل بعنوان : قصة الكاطو
قصة الكاطو كلها و كي جاتو ها لي خاف من لالاه مراتو
ها لي حالف يدي لصاحبتو
ايه سيدي ديك لي قد بنتو
يتيم تزعط فيتيمة قد بناتو
خرج عينيه قال هدي حياتو
قال ليكم غادي يكتب براتو
انتما عند لعريس اش بغيتو .
قصة لكاطو..كلها و كي جاتو
ها جطو وصى على جطو
وجطو لازم يكون بلاطو
داك خبا فجيب كبوطو
و داك نفعو قب جلابيتو
سبحان الله بدال حوالو
ها بسيمة لبسات الطالو
فين لحرام و فين حلالو .
قصة لكاطو..كلها و كي جاتو
كاين لي خاف خبا وجهو
كاين مازال عجباه لحيتو
عند الشعب تهزات صورتو
كاين لي فضحاتو ميكتو
كاين لي متقوبة قميجتو
و لفقيه لي نتسناو براكتو
بالله الا دخل لجامع بلغتو .
قصة لكاطو ..كلها و كي جاتو
ها البرلمان هادي شوهتو
الشعب فيهم فاقد تيقتو
اللحايا و حتى معارضتو بعتو
فينا حنايا و شريتو العثماني !
!باركا ! عيقتو الشعب
غادي يقول كلمتو
ليكم ما يعطي باقي صوتو
من إبداع نبيل اكران مراسل
جريدة تزنيت 24
